روايه اختى

انا شايفها اختي مش اكتر من كده واديك قلتي متربيين سوا فبالنسبه لي هي اختي مش اكثر
نجلاء بعصبيه لسعيد
اكيد انت اللي اقنعته بالموضوع ده صح ما هي بنت اخوك بقى
سعيد
ابنك مش عيل صغير علشان اقول له يروح يختار مين هو اللي جاء وقال لي انه عايز ساره انا ما جبرتوش ولا حتى جبت له سيرتها عايزه تصدقي صدقي
مش عايزه انت حره
نجلاء
انا بقى البنت دي مش موافقه عليها كلم اخوك وقول له اللي غيرت رايكم
سعيد عصبيه
هو لعب عيال ولا ايه هو ايه اللي كلمه واقول له غيرنا راينا يا ريت يا نجلاء ما تتكلميش ثاني كلامك العبيط ده
نجلاء بعصبيه
والله لو مكسوف تقول له هات وانا اتكلم معاه انا واقول له ان انا مش موافقه على بنته وخلاص مكبر الموضوع ليه
محسن بهدوء
بعد اذنك يا ماما الموضوع ده بالذات محدش هيتدخل فيه ده انت ولا بابا انا الوحيد اللي من حقي اشوف من الانسانه اللي هكمل معاها حياتي وانا اخترت ساره حضرتك موافقه او لا مش مهم
نجلاء
بقى رايي مش مهم يا محسن بقى دي اخرتها
محسن
ما هو حضرتك انا موافق عليها وعايزها انت مش موافقه وانا هعمل اللي انا عايزه او اللي انا شايفه صح
نجلاء بعصبيه
انت انت ايه اللي عرفك يعني ان هو اللي سابها مش يمكن هي اللي سابته لقيته مش محترم ماما انت عندك بنت بلاش تتكلمي الكلام ده على بنات الناس حضرتك عايزه تيجي معانا يوم الجمعه اهلا وسهلا مش عايزه براحتك بعد اذنكم
سعيد بشماته
والله ابنك ده راجل علشان ما اسمعش كلمتك وما قدرتيش تحطي في دماغه الافكار المسمومه اللي في دماغك
نجلاء
بقى كده
سعيد
ايوه وانا كمان سايب لك البيت وماشي دي بقت عيشه هم
في الليل في اوضه سارة
احمد بعصبيه وصوت
واطي
انت هترفضي الجوازه دي انت فاهمه
ساره بتوتر
طب اعمل ايه يعني يا احمد انت شايف بابا موافق عليه ازاي
احمد
  اتصرفي طلعي فيني عيب وبابا اكيد مش هيجبرك يعني
ساره
انا كمان يا احمد والله مش عايزه
اسيبك بس انا هحاول اعمل كل اللي اقدر عليه علشان الخطوبه دي ما تكملش
احمد
وانا واثق فيك يا ساره انك مش هتسيبيني بعد كل اللي عملناه وبعدين ما ينفعش تسيبيني اصلا احنا كنا متفقين على كل حاجه من الاول
ساره
ما تقلقش انا هحاول اطفشه بكل الطرق
احمد
انا هخرج دلوقتي وانت حاولي تفكري في اي حيله تطلعنا من الموضوع ده
ساره
طيب يا احمد ما تقلقش
بعد يومين
ساره باستغراب
ماما هو احمد ماله اتاخر كده ليه مش عوايده يعني
صفاء بقلق
والله ما عارفه يا بنتي فيه ايه الساعه بقيت اثنين اهو وهو لسه لغايه دلوقتي ما جاش
ساره
انا بتصل بيه تليفونه مقفول
محمود
وانا رحت له عند المحل ما لقيتوش والحاج سالم قال لي ده ما جاليش من الصبح راح فين الواد ده
صفاء
يمكن قاعد مع اصحابه يا محمود ما اتكلم كده حد منهم يمكن يكون معاهم
محمود
انت على اساس يعني يا صفاء اللي ابنك بيقول لي على اصحابه ايه ده مين اللي بيرزع على الباب بالمنظر ده اوعي
يا صفاء
محمود فتح الباب ولقى البوليس قدامه
محمود بتوتر
في ايه يا باشا في حاجه
الظابط
ساره محمود هنا
ساره استخبت ورا مامتها من الخۏف
محمود
ايوه يا فندم موجوده بس في ايه فهمني
الظابط للعساكر
روحوا هاتوها فورا
طب قول لي في ايه بس يا باشا لو سمحت
الظابط
في القسم هتعرف كل حاجه وكده كده اخوها مشرف هناك
صفاء
يا لهوي فيها ايه عملتوا ايه يا ولاد
العساكر خدتها