رواية شوق بقلم أسماء عبد الهادي

في حاجة حصلتلك والا مش هتستنى علشان تعرفي اللي حصلي للنهاردة انتي علطول سباقة بالسؤال عني وخاصة في موقف زي ده 

حقك عليا يا فداء 

فيكي ايه يا شوق 

لاه طمنيني أول عليكي

ولا حاجة أخدت علقة معتبرة من خالد 

واه التور الهايج طاح فيكي 

ضحكت فداء واردفت

رجعت على بيتي وطلبت الطلاق 

واه ليه اكده يا بنتي

ده اللي كان لازم يحصل 

وهو رد فعله اكيد أكيد عملها في لحظة ڠضب كنتي استنى شوية لما يفوق 

الحقيقة لا بالعكس اعترفلي بحبه وطلبني ارجع معاه تاني 

قولي والله يا بت أخيرا الجبلة اتلحلح ېخرب عقله وربنا أني فرحتك اوي ها وبعدين

ولا حاجة أنا طبعا مش موافقة وقولتهاله 

نعم ليه يا بنتي أكده الراجل شاريكي وبيحبك يكش بس هو مدب وتور بس ان شاء الله تعالجيه انتي بعد إكده 

لا يا شوق ازاي يعني أوافق على واحد انا متجوزاه ڠصب مفيش تجاهي أي مشاعر ليه اي نعم بعد اللي سمعته منه وحكاهولي عن ميار بدات اتعاطف معاه واغير نظرتي ليه لكن دا مغيرش من رأيي حاجة

يا بت المثل بيقول خدي اللي يحبك ومتأخدش اللي بتحبه 

لا يا شوق من النهاردة مش هعمل الا اللي انا عايزاه وبس من النهاردة محدش هيغصبني على حاجة حتى بابا نفسه مش هسمحله يتحكم في حياتي تاني حتى لو هعيش بقيا عمري وحيدة

ابتأست شوق من أجلها وقالت بعقلانية 

أني لأول مرة بخالفك في الراي يا فداء.. البنت منينا محتاجة ستر وضلة تتحامى فيها انتي لو متأكدة من صدق خالد وحبه ليكي ارجعيله والأيام والعشرة ما بينكم كفيلة انها تخليكي تحبيه أفضل مليون مرة من انك تعيشى لوحدك بطولك حتى لو ادعيتي ان عندك قوة العالم كلياتها وخاصة ان ابوكي منفضلك خالص من رأيي ترجعي وتستمتعي بالضلة والسند أما عن الحب فالمودة اللي ما بينكم كفيلة إنها تولده من العدم لكن الوحدة

يا فداء قاټلة متسبيش نفسك تنجرف لتيار هعيش حياتي لنفسي ومش هسأل عن أي حاجة تانية إحنا بنكابر وبنضحك على نفسينا فداء أنا اليومين اللي عشتك خدامة في ضلة اخواتي كانت أحلى وأطعم مليون مرة من عيشة الوحدة اللي كنت عايشاها وبعيشها دلوك اكتشفت اني مكنتش عايشة أو عاملة نفسي عايشة او بمعنى أصح بتعايش صحيح كنت راضية بحياتي والحمد لله لكن الحياة وسط العزوة والسند والأهل والأحباب حاجة تانية خالص ارجعي يا بنتي لبيت خالد وميار وخليهم عزوتك وناسك وطالما خالد اعترف انه بيحبك يبقى هيحاول يرضيكي بكل السبل أما أبوكي والله ما عارفة أقول ايه بس في الأول والآخر البنت ملهاش الا بيت چوزها متضيعيش الفرصة من ايدكي يا فداء وفكري منيح وخدي قرارك الحكيم المتوازن بعيد عن أي انفعالات أو قرارات متسرعة اوزينها صح وشوفي عقلك وقلبك هيودوكي لفين صمتت فداء.

تفكر في كلمات شوق لتهتف شوق باهتمام 

صحيح مالها ميار يا بت خالد كشف عليها عرفتوا فيها ايه طمنيني 

قصت لها فداء كل ما حكاه لها خالد 

لتتألم شوق من أجلها 

لاحول ولا قوة إلا بالله اللي يشوف بلاوي الناس تهون عليه بلوته سبحانه ربي مقسم كل شىء بميزان العدل فالحمد لله دائما وأبدا ربنا يلبسها ثوب الصحة والعافية عاجلا غير آجل يا أرحم الراحمين اللهما اشفها اللهم اشفها اللهم اشفها اللهم آمين.

أمنت فداء على دعاءها وهتفت متسائلة

اظن انا كدا قلتلك كل حاجة ممكن اعرف بقا انتي فيكي ايه وليه حاجة بالهم بين طيات صوتك رغم انك بتحاولي تخفيه 

هكدب عليكي لو قلتلك مش مهمومة بس إحنا بشړ منقدرش نكون قوين طول الوقت

شوق قلقتيني 

لاه يا بت متقلقيش أني عارفة نفسي يومين اكده وهرجع تاني قوية لا رياح تهزني ولا غريب ينكد عليا 

ااه يبقى هو باباكي صح .. عمل فيكي ايه 

متشغليش بالك يا فداء وعايزة منك تتعرفي على بنوتة اكده عسولة اسمها توبا وتحلي مكاني لان البنت دي محتاجة دعم نفسي كبير والا هتضيع وربنا دي أكتر حد قلبي واجعني عليها فيكم لانها محاطة يا عيني بقساوة قلب من جميع الاتجاهات

ماشي ماشي يا شوق هشوف موضوع توبا دي بعدين قوليلي غريب عمل فيكي ايه ومتتهربيش

ولا حاجة رجعني تاني داري من مكان ما جيت 

اتسعت أعين فداء في صدمة

لا متقوليش انتي رجعتي البلد وانا معرفش شوق انتي بتهزري ولما عو مشاكي مجتيش عندي ليه ها مكلمتنيش ليه ليه تمشكي كدا

رجعت لبيتي واهلي وبلدي رجعت لاصلي يا فداء

لا مبقاش ينفع ترجعي ومش دلوقتي انتي يتهزري اخواتك لسه معرفوش انتي مين 

مش عايزاهم يعرفوا هيفيد بإيه جايز عدم معرفتهم أفضل

تكلمت فداء بجدية وحزم

شوق اسمعي انتي هتيجي تعيشي معايا هنا في شقة تيتا الله يرحمها بابا اصلا من وقت ما رجعت للشقة وهو مشي ولا سأل فيا ولا هيسأل انتي هتيجي هنا تعيشي معايا نونس بعض ونقعد نخطط مع بعض ازاي نقول لإخواتك الحقيقة حتى لو متقبلوش المهم نرتاح انهم عرفوا وبردوا هتفضلي معايا مش هتعيشي لوحدك

لاه يا فداء أني اتخلقت علشان اعيش اهنه وسط أهل البلد 

لا ما هو أكيد لقاءنا مكانش صدفة او لقاء عابر أكيد لحكمة ورا كل دا علشان كل واحدة فينا تكون دعامة للتانية شوق انتي هترجعي لعندي هنا فاهمة

واه عليكي يا فداء حديتك على عيني ولا راسي لكن صدقيني اهنه في داري هكون مرتاحة أكتر

بس انا مش هرتاح الا لما تيجي معايا هنا

طيب نتحدت في الموضوع ده وقت تاني يكون بالي ارتاح والهم راح لأحسن جه واحد عكر عليا مزاجي

ربنا يريح قلبك ويزيح همك يا شوق انا متأكدة انك هتقدري تتخطي اللي انتي فيه هسيبك كم يوم بس وبعد كدا مش هسمح تقعدي بعيدة عني 

يا شيخة انتي من بمرة هرجعك لخالد

لا ماهو انتي هتبقى معايا يعني مش هكون وحيدة 

بتتججي اياك

بصراحة اه 

ربنا يقدم اللي فيه الخير 

يارب 

فداء اوعك تتهوري وتقولي لخواتي ع حاجة لسه مجاش الأوان انهم يعرفوا هزعل منيكي اوي 

ماشي يا شوق

انهت فداء الاتصال مع شوق

وعزمت ألا تترك صديقتها تعاني دون أن تساعدها كما تفعل هي دائما 

لذا هاتفت خالد الذي علمت منه طلب الطبيب ببقاء ميار قي المصحة لعدة شهور لتتلقى التأهيل النفسي لحالتها 

جايز ده أفضل لحالتها معلش يا خالد .. جايز لو كنت عملت ده من الأول كانت خفت من بدري لكن لعله خير 

الحمد لله المهم انها تخف 

ان شاء الله هتخف 

خالد انا كنت عايزة منك طلب تكلم صاحبك عساف وتقوله ان الحقيقة اللي الكل ميعرفهاش ان شوق تبقى اختهم من أبوهم 

تفاجىء خالد مما يسمع وقال

حقيقي اللي بتقوليه ده 

للأسف دي الحقيقة اللي غريب بيه رافض ان حد يعرفها شوق اللي بيقولوا عليها الخدامة تبقى اختهم الكبيرة 

يا خبر انا هكلم عساف حالا.

هبط من غرفته لأسفل وجلس على السفرة وهو يشعر بالتعب والخمول

ونادى بدون تركيز 

شووق الغدا اخلصي

ليجلس جواره أمير ويقول بحزن

ياريتها كانت موجودة حاسس ان البيت ناقصه حاجة من غيرها

ليأتي العم سيد ويضع الطهام أمامهم ويؤكد على كلمات أمير 

فعلا كانت الله يمسيها بالخير عاملة طعم مميز ونكهة خاصة